Hvað er jóga nidra

Jóga nidra þýðir jógískur svefn er ævaforn tækni til þess að sameina hugleiðslu og slökun. Jóga nidra mætti líkja við liggjandi leidda hugleiðslu þar sem viðkomandi kemur sér þægilega fyrir án allra truflana og lætur leiða sig inn í kyrrðina handa hugans.

Hugurinn er oft upptekinn af utan aðkomandi hljóðum. Ef skynhrif væru útilokið með valdi myndi hugurinn verða órólegur og truflandi. Þess vegna leitar hugurinn í utan aðkomandi hljóð sem fer frá hljóði til hljóðs. Eftir einhvern tíma missir hugurinn áhugann af öllu sem er fyrir utan okkur og þagnar. Það ástand undirbýr meðvitundina til að iðka jóga nidra. Í jóga nidra erum við að vinna með ásetning, sem er eins og lítið fræ sem við plöntum í undirvitundina, með því erum við að breyta á óbeinan hátt tilfinningum, hegðun og viðhorfum. Þegar við förum í jóga nidra þá breytist vitundarástand okkar, einbeiting og sefnæmi eflist sem gerir það að verkum að við eigum auðveldarar með að gera breytingar, tileinka okkur ný viðhorf, breyta hegðun og hugsun.

Ásetningur getur verið mjög einfalt, eitthvað sem við erum að stefna að eða jafnvel eitthvað sem við erum nú þegar búin að ná og viljum halda í. Ásetningur er skýr og einfaldur. Sem dæmi má nefna getur ásetningur verið ég finn jafnvægi og vellíðan, ég finn innri frið. Ekki búast við niðurstöðu á einni nóttu. Gott er að nota sama ásetning í nokkurn tíma. Það eina sem þú þarft að gera í jóga nidra er að hlusta, vera vakandi og beina athyglinni á þá staði sem er talað um.

Leyfðu þér að finna og upplifa meira það sem er að gerast í líkamanum og gefðu huganum hvíld. Vertu kyrr og eins hreyfingarlaus og þú getur, ef þú þarft að hreyfa þig gerðu það þá meðvitað og komdu aftur inn í kyrrðina um leið og þú getur. Það er ekki hægt að gera neitt vitlaust í jóga nidra. Við erum að æfa okkur í að vera vakandi vitund og ekki sofna, heldur hlusta og finna. Ávinningurinn af því að stunda jóga nidra er margvíslegur, það stuðlar að auknu jafnvægi, dregur úr streitu, kvíða og þunglyndi, er endurnærandi og færir okkur meiri líkamsmeðvitund og vellíðan. Í jóga nidra getum við einnig losað út gömul áföll. Einn jóga nidra tími getur jafnast á við þriggja til fjögurra klukkastunda stunda svefni.

Áður en maður fer í Jóga nidra er gott að koma í veg fyrir alla truflun og ef þú ert með síma að hafa hann á flugstillingu. Byrjaðu á því að koma þér vel fyrir liggjandi á bakinu, ef þú getur ekki legið á bakinu finndu þá aðra stöðu sem þér finnst þægilegt að vera í. Við reynum að hafa líkamann og hryggjarsúluna beina frá höfði til táar til þess að orkan nái að flæða sem best. Þess vegna er ekki gott að hafa mjög hátt undir höfðinu, aðeins þunnan púða. Gott er að hafa fætur aðeins í sundur, hendur meðfram líkamanum og lófar snúa upp. Ef þú átt það til að fá spennu í mjóbakið er gott að setja púða undir hnéin. Þegar við förum í djúpslökun þá getur líkamshitinn lækkað, þess vegna er gott er að breiða yfir sig  teppi og setja hendur undir teppið. Sumum finnst gott  nota augnpúða. Því meira sem þú stundar af jóga nidra því meiri jafnvægi og vellíðan upplifir þú.

Hvað er jóga nidra

Jóga nidra þýðir jógískur svefn er ævaforn tækn...

Hvað er hugleiðsla

Hugleiðsla er mörg þúsund ára gömul aðferð til þe...